gham-e-wafa ko pas-e-pusht Dalna hoga

ġham-e-vafā ko pas-e-pusht Dālnā hogā

khaTak rahā hai jo kāñTā nikālnā hogā

faqīr-e-ishq huuñ kuchh de ke Tālnā hogā

bas ik nigāh kā sikka uchhālnā hogā

savāl dosto azmat kā hai saroñ kā nahīñ

hameñ vaqār kā parcham sambhālnā hogā

ġhazab kī pyaas lagī sāmnā sarāb kā hai

so reg-e-sahrā se paanī nikālnā hogā

use batāo ki faaqa hai aaj apnā bhī

magar faqīr ko izzat se Tālnā hogā

ye intizār salāmat rahe vo aa.egā

magar hai shart ki dil ko sambhālnā hogā

tumhāre dil kī zamīñ jal chukī magar 'aijāz'

isī se naḳhl-e-mohabbat nikālnā hogā

gham-e-wafa ko pas-e-pusht Dalna hoga

khaTak raha hai jo kanTa nikalna hoga

faqir-e-ishq hun kuchh de ke Talna hoga

bas ek nigah ka sikka uchhaalna hoga

sawal dosto azmat ka hai saron ka nahin

hamein waqar ka parcham sambhaalna hoga

ghazab ki pyas lagi samna sarab ka hai

so reg-e-sahra se pani nikalna hoga

use batao ki faqa hai aaj apna bhi

magar faqir ko izzat se Talna hoga

ye intizar salamat rahe wo aaega

magar hai shart ki dil ko sambhaalna hoga

tumhaare dil ki zamin jal chuki magar 'aijaz'

isi se naKHl-e-mohabbat nikalna hoga