gham-e-zindagi ka to gham nahin ki mujhe ghamon se hi pyar hai

ġham-e-zindagī kā to ġham nahīñ ki mujhe ġhamoñ se hī pyaar hai

tirā ġham bhī mujh ko aziiz hai tire ġham meñ lutf-e-bahār hai

jo udaas aayā koī nazar to ḳhizāñ pukārī ba-chashm-e-tar

mire aane kā koī ġham na kar mire baad fasl-e-bahār hai

tirī bazm-e-mai meñ ba-sad-ḳhushī jo piyā thā bāda-e-ġham kabhī

vahī jaam hai mirī zindagī mujhe aaj tak vo ḳhumār hai

kabhī shikva tere sitam kā hai kabhī shukr tere karam pe hai

rah-o-rasm-e-ishq bhī ḳhuub hai na sukūn hai na qarār hai

na to chheḌ ab mirī dāstāñ mire ham-nafas mire ham-zabāñ

maiñ vahī huuñ 'ḳhālid'-e-ḳhasta-jāñ ki jo zindagī ko bhī baar hai

gham-e-zindagi ka to gham nahin ki mujhe ghamon se hi pyar hai

tera gham bhi mujh ko aziz hai tere gham mein lutf-e-bahaar hai

jo udas aaya koi nazar to KHizan pukari ba-chashm-e-tar

mere aane ka koi gham na kar mere baad fasl-e-bahaar hai

teri bazm-e-mai mein ba-sad-KHushi jo piya tha baada-e-gham kabhi

wahi jam hai meri zindagi mujhe aaj tak wo KHumar hai

kabhi shikwa tere sitam ka hai kabhi shukr tere karam pe hai

rah-o-rasm-e-ishq bhi KHub hai na sukun hai na qarar hai

na to chheD ab meri dastan mere ham-nafas mere ham-zaban

main wahi hun 'KHalid'-e-KHasta-jaan ki jo zindagi ko bhi bar hai