gham ka guman yaqin-e-tarab se badal gaya

ġham kā gumāñ yaqīn-e-tarab se badal gayā

ehsās-e-ishq husn ke sāñche meñ Dhal gayā

saath un ke le rahā huuñ maiñ gul-gasht ke maze

ye ḳhvāb hī sahī mirā jī to bahal gayā

majbūr-e-ishq chashm-e-fusūñ-sāz se huuñ maiñ

jaadū mujhī pe dost kā chalnā thā chal gayā

maiñ intizār-e-eid meñ thā eid aa ga.ī

armān-e-dīd dāman-e-ishrat meñ pal gayā

hai barq-e-jalva yaad magar ye nahīñ hai yaad

ḳhirman mire ġhurūr kā kis vaqt jal gayā

paimān-e-ishq-o-husn kī tajdīd ke sivā

jo bhī ḳhayāl zehn meñ aayā nikal gayā

baḌhte chale haiñ aa.e din asbāb-e-iztirāb

yādash-ba-ḳhair aaj kā va.ada bhī Tal gayā

'manzūr' kis zabāñ se butoñ ko burā kaheñ

īmāñ hamārā kufr ke dāman meñ pal gayā

gham ka guman yaqin-e-tarab se badal gaya

ehsas-e-ishq husn ke sanche mein Dhal gaya

sath un ke le raha hun main gul-gasht ke maze

ye KHwab hi sahi mera ji to bahal gaya

majbur-e-ishq chashm-e-fusun-saz se hun main

jadu mujhi pe dost ka chalna tha chal gaya

main intizar-e-eid mein tha eid aa gai

arman-e-did daman-e-ishrat mein pal gaya

hai barq-e-jalwa yaad magar ye nahin hai yaad

KHirman mere ghurur ka kis waqt jal gaya

paiman-e-ishq-o-husn ki tajdid ke siwa

jo bhi KHayal zehn mein aaya nikal gaya

baDhte chale hain aae din asbab-e-iztirab

yaadash-ba-KHair aaj ka wada bhi Tal gaya

'manzur' kis zaban se buton ko bura kahen

iman hamara kufr ke daman mein pal gaya