gham ka tufan aaega maine kabhi socha na tha

ġham kā tūfāñ aa.egā maiñ ne kabhī sochā na thā

sab hī kuchh le jā.egā maiñ ne kabhī sochā na thā

jis ko rakkhā thā hamesha jaan se baḌh kar 'azīz

zaḳhm-e-dil de jā.egā maiñ ne kabhī sochā na thā

muddatoñ ke baa'd achānak is tarah milnā tirā

mujh ko yuuñ taḌpā.egā maiñ ne kabhī sochā na thā

'aish-o-'ishrat jāh-o-mansab ye hukūmat kā ġhurūr

ḳhaak meñ mil jā.egā maiñ ne kabhī sochā na thā

ġham judā.ī kā shab-e-furqat meñ dil par ham-nashīñ

dard ban kar chhā.egā maiñ ne kabhī sochā na thā

gham ka tufan aaega main ne kabhi socha na tha

sab hi kuchh le jaega main ne kabhi socha na tha

jis ko rakkha tha hamesha jaan se baDh kar 'aziz

zaKHm-e-dil de jaega main ne kabhi socha na tha

muddaton ke ba'd achanak is tarah milna tera

mujh ko yun taDpaega main ne kabhi socha na tha

'aish-o-'ishrat jah-o-mansab ye hukumat ka ghurur

KHak mein mil jaega main ne kabhi socha na tha

gham judai ka shab-e-furqat mein dil par ham-nashin

dard ban kar chhaega main ne kabhi socha na tha