gham KHushi hasrat hawas ummid-o-yas

ġham ḳhushī hasrat havas ummīd-o-yās

zindagī hangāma-e-jazbāt hai

koī dil ko apne kis kis se bachā.e

har adā us shoḳh kī ik ghaat hai

tark-e-ulfat aur ham āshufta-sar

shaiḳh sāhab vāh-vā kyā baat hai

baḌh gayā kuchh aur bhī josh-e-junūñ

chāñdnī hai yā tumhārī ghaat hai

husn kī har baat ik afsāna hai

ishq kā afsāna bhī ik baat hai

phir bhaḌak uTThī hamāre dil kī aag

phir vahī ham haiñ vahī barsāt hai

aap kī har baat meñ hai ek baat

ai 'sa.ādat' ap kī kyā baat hai

gham KHushi hasrat hawas ummid-o-yas

zindagi hangama-e-jazbaat hai

koi dil ko apne kis kis se bachae

har ada us shoKH ki ek ghat hai

tark-e-ulfat aur hum aashufta-sar

shaiKH sahab wah-wa kya baat hai

baDh gaya kuchh aur bhi josh-e-junun

chandni hai ya tumhaari ghat hai

husn ki har baat ek afsana hai

ishq ka afsana bhi ek baat hai

phir bhaDak uTThi hamare dil ki aag

phir wahi hum hain wahi barsat hai

aap ki har baat mein hai ek baat

ai 'saadat' ap ki kya baat hai