gham ki tha harif-e-jaan ab harif-e-jaanan hai

ġham ki thā harīf-e-jāñ ab harīf-e-jānāñ hai

ab vo zulf-e-barham hai ab vo chashm-e-giryāñ hai

vus.atoñ meñ dāman kī in dinoñ garebāñ hai

ham-nafas kahīñ shāyad mausam-e-bahārāñ hai

rañg-o-bū ke parde meñ kaun ye ḳhirāmāñ hai

har nafas mo.attar hai har nazar ġhazal-ḳhvāñ hai

bandagī ye kyā jaane dair kyā haram kyā hai

ham jahāñ pe haiñ vaa.iz kufr hai na īmāñ hai

shukriya magar nāseh tū ye raaz kyā samjhe

jaur-e-barmalā un kā iltifāt-e-pinhāñ hai

gham ki tha harif-e-jaan ab harif-e-jaanan hai

ab wo zulf-e-barham hai ab wo chashm-e-giryan hai

wusaton mein daman ki in dinon gareban hai

ham-nafas kahin shayad mausam-e-bahaaran hai

rang-o-bu ke parde mein kaun ye KHiraman hai

har nafas moattar hai har nazar ghazal-KHwan hai

bandagi ye kya jaane dair kya haram kya hai

hum jahan pe hain waiz kufr hai na iman hai

shukriya magar naseh tu ye raaz kya samjhe

jaur-e-barmala un ka iltifat-e-pinhan hai