gham ki basti ajib basti hai
ġham kī bastī ajiib bastī hai
maut mahñgī hai jaan sastī hai
maiñ use kyuuñ idhar-udhar DhūñDūñ
merī hastī hī us kī hastī hai
ālam-e-shauq hai ajab aalam
āsmāñ par zamīn bastī hai
jaan de kar jo zindagī paa.ī
maiñ samajhtā huuñ phir bhī sastī hai
ġham hai khāne ko ashk piine ko
ishq meñ kyā farāġh-e-dastī hai
ḳhāk-sārī kī shaan kyā kahiye
kis qadar auj par ye pastī hai
chāk-e-dāmān zindagī hai 'ratan'
ye junūñ kī darāz-dastī hai
gham ki basti ajib basti hai
maut mahngi hai jaan sasti hai
main use kyun idhar-udhar DhunDun
meri hasti hi us ki hasti hai
aalam-e-shauq hai ajab aalam
aasman par zamin basti hai
jaan de kar jo zindagi pai
main samajhta hun phir bhi sasti hai
gham hai khane ko ashk pine ko
ishq mein kya faragh-e-dasti hai
KHak-sari ki shan kya kahiye
kis qadar auj par ye pasti hai
chaak-e-daman zindagi hai 'ratan'
ye junun ki daraaz-dasti hai
- Book : Nuquush-e-daaG (Pg. 139)
- Author : Sahir Hoshiyarpuri
- Publication : Haryana Urdu Acadami (1992)
- Edition : 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
