gham ki is sil ko kabhi bhi na samajh paegi

ġham kī is sil ko kabhī bhī na samajh pā.egī

tū mire dil ko kabhī bhī na samajh pā.egī

mujh ko taslīm tirī saarī zehānat lekin

mujh se jāhil ko kabhī bhī na samajh pā.egī

pūchh le mujh se haqīqat tū vagarna apne

aañkh ke til ko kabhī bhī na samajh pā.egī

bin mohabbat ke tū hañstī huī in āñkhoñ kī

bhīgī jhilmil ko kabhī bhī na samajh pā.egī

zindagī ḳhud bhī tujhe marnā paḌegā varna

mere qātil ko kabhī bhī na samajh pā.egī

gham ki is sil ko kabhi bhi na samajh paegi

tu mere dil ko kabhi bhi na samajh paegi

mujh ko taslim teri sari zehanat lekin

mujh se jahil ko kabhi bhi na samajh paegi

puchh le mujh se haqiqat tu wagarna apne

aankh ke til ko kabhi bhi na samajh paegi

bin mohabbat ke tu hansti hui in aankhon ki

bhigi jhilmil ko kabhi bhi na samajh paegi

zindagi KHud bhi tujhe marna paDega warna

mere qatil ko kabhi bhi na samajh paegi