gham ki taswir ban gaya hun main

ġham kī tasvīr ban gayā huuñ maiñ

ḳhātir-e-dard-āshnā huuñ maiñ

husn huuñ maiñ ki ishq kī tasvīr

be-ḳhudī tujh se pūchhtā huuñ maiñ

aah phir dil kī yaad aa.ī hai

zarre zarre ko dekhtā huuñ maiñ

zabt-e-ġham be-sabab nahīñ 'jazbī'

ḳhalish-e-dil baḌhā rahā huuñ maiñ

gham ki taswir ban gaya hun main

KHatir-e-dard-ashna hun main

husn hun main ki ishq ki taswir

be-KHudi tujh se puchhta hun main

aah phir dil ki yaad aai hai

zarre zarre ko dekhta hun main

zabt-e-gham be-sabab nahin 'jazbi'

KHalish-e-dil baDha raha hun main