gham nahin jo luT gae hum aa ke manzil ke qarib
ġham nahīñ jo luT ga.e ham aa ke manzil ke qarīb
jaane kitnī kashtiyāñ Duubī haiñ sāhil ke qarīb
sarfaroshī merī koī rañg dikhlā jā.egī
aa gayā huuñ ye irāda le ke qātil ke qarīb
sirf dil kī be-hisī thī fāsla kuchh bhī na thā
jab kiyā ehsās paayā aap ko dil ke qarīb
tum ne jo rakkhā yuuñ hī taḳhrīb-kārāna mizāj
kaun aane degā tum ko apnī mahfil ke qarīb
rukte haiñ kab rokne se mauj-e-tūfāñ ke 'guhar'
hausle vaale pahuñch jaate haiñ sāhil ke qarīb
gham nahin jo luT gae hum aa ke manzil ke qarib
jaane kitni kashtiyan Dubi hain sahil ke qarib
sarfaroshi meri koi rang dikhla jaegi
aa gaya hun ye irada le ke qatil ke qarib
sirf dil ki be-hisi thi fasla kuchh bhi na tha
jab kiya ehsas paya aap ko dil ke qarib
tum ne jo rakkha yun hi taKHrib-karana mizaj
kaun aane dega tum ko apni mahfil ke qarib
rukte hain kab rokne se mauj-e-tufan ke 'guhar'
hausle wale pahunch jate hain sahil ke qarib
- Book : Aab-e-Gohar (Pg. 59)
- Author : Sayed-ul-Hassan Khan
- Publication : Sayed-ul-Hassan Khan (1995)
- Edition : 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
