aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gham nahin mujhko jo waqt-e-imtihan mara gaya

Imdad Imam Asar

gham nahin mujhko jo waqt-e-imtihan mara gaya

Imdad Imam Asar

MORE BYImdad Imam Asar

    ġham nahīñ mujh ko jo vaqt-e-imtihāñ maarā gayā

    ḳhush huuñ tere haath se ai jān-e-jāñ maarā gayā

    teġh-e-abrū se dil-e-āshiq ko miltī kyā panāh

    jo chaḌhā muñh par ajal ke be-gumāñ maarā gayā

    manzil-e-ma.ashūq tak pahuñchā salāmat kab koī

    rahzanoñ se kārvāñ kārvāñ maarā gayā

    dostī tum ne dushman se ajab tum dost ho

    maiñ tumhārī dostī meñ mehrbāñ maarā gayā

    zahr se kuchh kam na thī dāvat mirī ġhairoñ ke saath

    kyā ġhazab hai ghar balā kar mehmāñ maarā gayā

    dasht-e-ġhurbat rañj-e-tanhā.ī hujūm-e-dard-o-yās

    in balāoñ meñ tirā āshiq kahāñ maarā gayā

    kyā halāk-e-ishq tere gesuoñ thā 'asar'

    sumbulistāñ ho gayā hai do-jahāñ maarā gayā

    gham nahin mujh ko jo waqt-e-imtihan mara gaya

    KHush hun tere hath se ai jaan-e-jaan mara gaya

    tegh-e-abru se dil-e-ashiq ko milti kya panah

    jo chaDha munh par ajal ke be-guman mara gaya

    manzil-e-mashuq tak pahuncha salamat kab koi

    rahzanon se karwan ka karwan mara gaya

    dosti ki tum ne dushman se ajab tum dost ho

    main tumhaari dosti mein mehrban mara gaya

    zahr se kuchh kam na thi dawat meri ghairon ke sath

    kya ghazab hai ghar bala kar mehman mara gaya

    dasht-e-ghurbat ranj-e-tanhai hujum-e-dard-o-yas

    in balaon mein tera aashiq kahan mara gaya

    kya halak-e-ishq tere gesuon ka tha 'asar'

    sumbulistan ho gaya hai do-jahan mara gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now