gham ne bandha hai mere ji pe khala hae khala

ġham ne bāñdhā hai mire jī pe khalā haa.e khalā

phir na.e sir setī aa.ī hai balā haa.e balā

ai gul-e-gulshan-e-jāñ kar mujhe yak-bār nihāl

ḳhaar hasrat kā kaleje meñ salā haa.e salā

dekh saktā nahīñ maiñ gul kuuñ har yak ḳhaar ke saath

apne ham-rāh raqīboñ kuuñ na lā haa.e na lā

zab.h karne meñ mire rahm na laayā us ne

balki itnā bhī kahā neñ ki galā haa.e galā

jis ne khāyā hai tire abrū-e-ḳhūñ-rez kā zaḳhm

murġh-e-bismil sā lahū biich ralā haa.e ralā

jān-e-jānāñ kuuñ mire paas shitābī laao

niiñ to yak pal meñ mirā jaan chalā haa.e chalā

be-tarah ab to birah aag dahaktī hai 'sirāj'

dil mirā kyuuñ na pukāre ki jalā haa.e jalā

gham ne bandha hai mere ji pe khala hae khala

phir nae sir seti aai hai bala hae bala

ai gul-e-gulshan-e-jaan kar mujhe yak-bar nihaal

KHar hasrat ka kaleje mein sala hae sala

dekh sakta nahin main gul kun har yak KHar ke sath

apne ham-rah raqibon kun na la hae na la

zabh karne mein mere rahm na laya us ne

balki itna bhi kaha nen ki gala hae gala

jis ne khaya hai tere abru-e-KHun-rez ka zaKHm

murgh-e-bismil sa lahu bich rala hae rala

jaan-e-jaanan kun mere pas shitabi lao

nin to yak pal mein mera jaan chala hae chala

be-tarah ab to birah aag dahakti hai 'siraj'

dil mera kyun na pukare ki jala hae jala