ghamon ko ham-safar apna banana chhoD dete hain

ġhamoñ ko ham-safar apnā banānā chhoḌ dete haiñ

rifāqat ham ko hai hāsil jatānā chhoḌ dete haiñ

baḌī uljhan meñ rahtā hai jo ham se ishq kartā hai

to ab kī baar se dil ko lagānā chhoḌ dete haiñ

likhe haiñ ishq kī dhun par hiqārat ke sabhī naġhme

nahīñ jaa.ez ye ab sach ko chhupānā chhoḌ dete haiñ

binā ġhalatī kiye koī kyuuñ ḳhud se ruuTh jaatā hai

mirī fitrat hai ye ab har bahāna chhoḌ dete haiñ

haqīqat jaan lo ye phir ġhamoñ se rābta rakhnā

ye banjāre haiñ ye aksar Thikānā chhoḌ dete haiñ

mirī ġhazloñ se hotī hai mirī pahchān gar to ab

maiñ huuñ nākām ye sab ko batānā chhoḌ dete haiñ

ghamon ko ham-safar apna banana chhoD dete hain

rifaqat hum ko hai hasil jatana chhoD dete hain

baDi uljhan mein rahta hai jo hum se ishq karta hai

to ab ki bar se dil ko lagana chhoD dete hain

likhe hain ishq ki dhun par hiqarat ke sabhi naghme

nahin jaez ye ab sach ko chhupana chhoD dete hain

bina ghalati kiye koi kyun KHud se ruTh jata hai

meri fitrat hai ye ab har bahana chhoD dete hain

haqiqat jaan lo ye phir ghamon se rabta rakhna

ye banjare hain ye aksar Thikana chhoD dete hain

meri ghazlon se hoti hai meri pahchan gar to ab

main hun nakaam ye sab ko batana chhoD dete hain