gar eqtidar-e-sukun eqtidar-e-wahshat hai

gar eqtidār-e-sukūñ eqtidār-e-vahshat hai

to phir dayār-e-mohabbat dayār-e-vahshat hai

darāz ho rahe imkāñ bhī ab ibādat ke

hisār-e-bandagī goyā hisār-e-vahshat hai

har ek shaḳhs hai tasvīr-e-kāmrāñ ḳhud meñ

anā kī āb-e-havā meñ ḳhumār-e-vahshat hai

davām pā.egā ik roz haq zamāne meñ

ye intizār nahīñ intizār-e-vahshat hai

guloñ meñ husn nahīñ aur chaman bhī āzurda

mire qarīb huvaidā bahār-e-vahshat hai

abhī na pūchhiye hāl-e-ġham-e-dil-e-'az.har'

abhī nazar meñ muqaddam ġhubār-e-vahshat hai

gar eqtidar-e-sukun eqtidar-e-wahshat hai

to phir dayar-e-mohabbat dayar-e-wahshat hai

daraaz ho rahe imkan bhi ab ibaadat ke

hisar-e-bandagi goya hisar-e-wahshat hai

har ek shaKHs hai taswir-e-kaamran KHud mein

ana ki aab-e-hawa mein KHumar-e-wahshat hai

dawam paega ek roz haq zamane mein

ye intizar nahin intizar-e-wahshat hai

gulon mein husn nahin aur chaman bhi aazurda

mere qarib huwaida bahaar-e-wahshat hai

abhi na puchhiye haal-e-gham-e-dil-e-'azhar'

abhi nazar mein muqaddam ghubar-e-wahshat hai