گر حال اپنے غم کا کبھی کچھ سنائیے

گر حال اپنے غم کا کبھی کچھ سنائیے

لیلیٰ کی یاد قیس کے دل سے بھلائیے

گر چشم انتظار میں میری رکھے قدم

لے گرد اس کے پانوں کی سرمہ بنائیے

ہر شب پتنگ یاد میں کہتا ہے شمع کے

تجھ درد بیچ دل کو کہاں لگ جلائیے

جو رنگ پا کو دیکھ تمہارے دیا ہے جی

اوس کے کفن کو رنگ حنا سے رنگائیے

ہے دل میں چھوڑ چتر کو شاہی کے سر تئیں

مجنوں ہو دشت بیچ بگولے اڑائیے

کہتا ہے یہ نثارؔ کہ اوس لالہ رو بغیر

اپنے جگر کے داغ کسے جا دیکھائیے