gar hai nae nizam ki taKHliq ka KHayal

gar hai na.e nizām kī taḳhlīq kā ḳhayāl

ābādiyoñ ko nazr-e-bayābāñ to kījiye

gar jalva-e-jamāl kī dil ko hai aarzū

ashkoñ se chashm-e-shauq charāġhāñ to kījiye

honā hai dard-e-ishq se gar lazzat-āshnā

dil ko ḳharāb-e-talḳhī-e-hijrāñ to kījiye

ik lamha-e-nashāt kī gar hai havas 'shamīm'

dil ko halāk-e-hasrat-o-armāñ to kījiye

gar hai nae nizam ki taKHliq ka KHayal

aabaadiyon ko nazr-e-bayaban to kijiye

gar jalwa-e-jamal ki dil ko hai aarzu

ashkon se chashm-e-shauq charaghan to kijiye

hona hai dard-e-ishq se gar lazzat-ashna

dil ko KHarab-e-talKHi-e-hijran to kijiye

ek lamha-e-nashat ki gar hai hawas 'shamim'

dil ko halak-e-hasrat-o-arman to kijiye