gar ho na KHafa to kah dun ji ki

gar ho na ḳhafā to kah duuñ jī kī

is dam tumheñ yaad hai kisī kī

jo sāmne ho kahe usī kī

muñh dekhī hai baat aarsī kī

phūloñ kā kabhī na haar pahnā

baddhī jo paḌī tirī chhaḌī kī

gul-gīr ne kaaT kar sar-e-sham.a

parvāne se shab kaTī jalī kī

tasbīh meñ bhī ho tār-e-zunnār

ḳhātir na shikasta kar kisī kī

aayā shab-e-mah meñ vo jo tā-farsh

chādar huī gard chāñdnī kī

sayyād kabhī tū zab.h kar Daal

muḌ jā.egī baaḌ kyā chhurī kī

ā.īna barq meñ hai lāzim

tasvīr khīñche tirī hañsī kī

tartīb-e-kuhan kī vaz.a ai 'arsh'

ham ne dīvān meñ na.ī kī

gar ho na KHafa to kah dun ji ki

is dam tumhein yaad hai kisi ki

jo samne ho kahe usi ki

munh dekhi hai baat aarsi ki

phulon ka kabhi na haar pahna

baddhi jo paDi teri chhaDi ki

gul-gir ne kaT kar sar-e-shama

parwane se shab kaTi jali ki

tasbih mein bhi ho tar-e-zunnar

KHatir na shikasta kar kisi ki

aaya shab-e-mah mein wo jo ta-farsh

chadar hui gard chandni ki

sayyaad kabhi tu zabh kar Dal

muD jaegi baD kya chhuri ki

aaina barq mein hai lazim

taswir khinche teri hansi ki

tartib-e-kuhan ki waza ai 'arsh'

hum ne diwan mein nai ki