gar kahun ghair se phir rabt hua tujhko kya

gar kahūñ ġhair se phir rabt huā tujh ko kyā

kyā burā maan ke kahtā hai bhalā tujh ko kyā

sar uThānā tujhe bālīñ se jo dushvār hai ab

kyuuñ dilā baiThe-biThā.e ye huā tujh ko kyā

pūchhūñ ranjish kā sabab us se to jhuñjhlā ke kahe

''gar ḳhafā huuñ to maiñ huuñ aap ko, jā tujh ko kyā''

ham asīrān-e-qafas kyā kaheñ ḳhāmosh haiñ kyuuñ

raah le apnī chal ai bād-e-sabā tujh ko kyā

gar kiyā us se judā mujh ko to kah de ye falak

mere aur us ke na milne se milā tujh ko kyā

haath uThātā nahīñ gar ishq se maiñ ai nāseh

tū nasīhat se mirī haath uThā tujh ko kyā

gar kaho nām-e-ḳhudā lagte ho tum kyā hī bhale

to ye kahtā hai ''bhalā huuñ to bhalā, tujh ko kyā''

kyuuñ dilā bistar-e-ġham par hai tū ḳhāmosh paḌā

kuchh to kah mujh se kisī ne ye kahā tujh ko kyā

ab vo mauqūf huā nāma-o-paiġhām bhī aah

harf ġhairoñ kā asar kar hī gayā tujh ko kyā

mere milne se kiyā man.a kisī ne jo tujhe

tū ne is baat ko sun kar na kahā tujh ko kyā

paik-e-ashk āñkhoñ se chal nikle jo ḳhat paḌhte hī

'jur.at' ab kuchh tū batā us ne likhā tujh ko kyā

gar kahun ghair se phir rabt hua tujh ko kya

kya bura man ke kahta hai bhala tujh ko kya

sar uThana tujhe baalin se jo dushwar hai ab

kyun dila baiThe-biThae ye hua tujh ko kya

puchhun ranjish ka sabab us se to jhunjhla ke kahe

gar KHafa hun to main hun aap ko, ja tujh ko kya

hum asiran-e-qafas kya kahen KHamosh hain kyun

rah le apni chal ai baad-e-saba tujh ko kya

gar kiya us se juda mujh ko to kah de ye falak

mere aur us ke na milne se mila tujh ko kya

hath uThata nahin gar ishq se main ai naseh

tu nasihat se meri hath uTha tujh ko kya

gar kaho nam-e-KHuda lagte ho tum kya hi bhale

to ye kahta hai bhala hun to bhala, tujh ko kya

kyun dila bistar-e-gham par hai tu KHamosh paDa

kuchh to kah mujh se kisi ne ye kaha tujh ko kya

ab wo mauquf hua nama-o-paigham bhi aah

harf ghairon ka asar kar hi gaya tujh ko kya

mere milne se kiya mana kisi ne jo tujhe

tu ne is baat ko sun kar na kaha tujh ko kya

paik-e-ashk aankhon se chal nikle jo KHat paDhte hi

'jurat' ab kuchh tu bata us ne likha tujh ko kya