gar kijiye insaf to ki zor wafa main

gar kījiye insāf to kī zor vafā maiñ

ḳhat aate hī sab chal ga.e ab aap haiñ yā maiñ

tum jin kī sanā karte ho kyā baat hai un kī

lekin Tuk idhar dekhiyo ai yaar bhalā maiñ

rakhtā hai kuchh aisī vo barahman bacha raftār

but ho gayā dhaj dekh ke jis kī ba-ḳhudā maiñ

yaaro na bañdhī us se kabhū shakl-e-mulāqāt

milne ko to us shoḳh ke tarsā hī kiyā maiñ

jab maiñ gayā us ke to use ghar meñ na paayā

aayā vo agar mere to dar ḳhud na rahā maiñ

kaifiyyat-e-chashm us kī mujhe yaad hai 'saudā'

sāġhar ko mire haath se liijo ki chalā maiñ

gar kijiye insaf to ki zor wafa main

KHat aate hi sab chal gae ab aap hain ya main

tum jin ki sana karte ho kya baat hai un ki

lekin Tuk idhar dekhiyo ai yar bhala main

rakhta hai kuchh aisi wo barahman bacha raftar

but ho gaya dhaj dekh ke jis ki ba-KHuda main

yaro na bandhi us se kabhu shakl-e-mulaqat

milne ko to us shoKH ke tarsa hi kiya main

jab main gaya us ke to use ghar mein na paya

aaya wo agar mere to dar KHud na raha main

kaifiyyat-e-chashm us ki mujhe yaad hai 'sauda'

saghar ko mere hath se lijo ki chala main