gar mujhe sada-dil banaya tha

gar mujhe sāda-dil banāyā thā

to bhalā kyoñ jahāñ meñ laayā thā

vājib-ul-qatl māniye us ko

jis ne lafz-e-vafā banāyā thā

saath ġham bhī to chhoḌ detā hai

be-sabab dil jigar jalāyā thā

sher ye bhuup meñ kyoñ gaane lage

maiñ ne to bhairavī batāyā thā

kal mire ghar meñ merā qatl huā

ḳhush bahut huuñ koī to aayā thā

āḳhirī din ḳhudā ye kahne lage

kis ne tum ko yahāñ bulāyā thā

ab mirī maañ hai bas jo pūchhtī hai

kis ne 'maġhlūb' ko satāyā thā

gar mujhe sada-dil banaya tha

to bhala kyon jahan mein laya tha

wajib-ul-qatl maniye us ko

jis ne lafz-e-wafa banaya tha

sath gham bhi to chhoD deta hai

be-sabab dil jigar jalaya tha

sher ye bhup mein kyon gane lage

main ne to bhairawi bataya tha

kal mere ghar mein mera qatl hua

KHush bahut hun koi to aaya tha

aaKHiri din KHuda ye kahne lage

kis ne tum ko yahan bulaya tha

ab meri man hai bas jo puchhti hai

kis ne 'maghlub' ko sataya tha