aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gar na andoh-e-shab-e-furqat bayan ho jaega

Mirza Ghalib

gar na andoh-e-shab-e-furqat bayan ho jaega

Mirza Ghalib

MORE BYMirza Ghalib

    gar na andoh-e-shab-e-furqat bayāñ ho jā.egā

    be-takalluf dāġh-e-mah mohr-e-dahāñ ho jā.egā

    zohra gar aisā shām-e-hijr meñ hotā hai aab

    partav-e-mahtāb sail-e-ḳhānumāñ ho jā.egā

    le to luuñ sote meñ us ke paañv bosa magar

    aisī bātoñ se vo kāfir bad-gumāñ ho jā.egā

    dil ko ham sarf-e-vafā samjhe the kyā ma.alūm thā

    ya.anī ye pahle nazr-e-imtihāñ ho jā.egā

    sab ke dil meñ hai jagah terī jo raazī huā

    mujh pe goyā ik zamāna mehrbāñ ho jā.egā

    gar nigāh-e-garm farmātī rahī tālīm-e-zabt

    sho.ala ḳhas meñ jaise ḳhuuñ rag meñ nihāñ ho jā.egā

    baaġh meñ mujh ko na le varna mere haal par

    har gul-e-tar ek chashm-e-ḳhūñ-fishāñ ho jā.egā

    vaa.e! gar merā tirā insāf mahshar meñ na ho

    ab talak to ye tavaqqo.a hai ki vaañ ho jā.egā

    fā.eda kyā soch āḳhir bhī daanā hai 'asad'

    dostī nādāñ hai ziyāñ ho jā.egā

    gar na andoh-e-shab-e-furqat bayan ho jaega

    be-takalluf dagh-e-mah mohr-e-dahan ho jaega

    zohra gar aisa hi sham-e-hijr mein hota hai aab

    partaw-e-mahtab sail-e-KHanuman ho jaega

    le to lun sote mein us ke panw ka bosa magar

    aisi baaton se wo kafir bad-guman ho jaega

    dil ko hum sarf-e-wafa samjhe the kya malum tha

    yani ye pahle hi nazr-e-imtihan ho jaega

    sab ke dil mein hai jagah teri jo tu raazi hua

    mujh pe goya ek zamana mehrban ho jaega

    gar nigah-e-garm farmati rahi talim-e-zabt

    shoala KHas mein jaise KHun rag mein nihan ho jaega

    bagh mein mujh ko na le ja warna mere haal par

    har gul-e-tar ek chashm-e-KHun-fishan ho jaega

    wae! gar mera tera insaf mahshar mein na ho

    ab talak to ye tawaqqoa hai ki wan ho jaega

    faeda kya soch aaKHir tu bhi dana hai 'asad'

    dosti nadan ki hai ji ka ziyan ho jaega

    RECITATIONS

    Nomaan Shauque

    Nomaan Shauque,

    Nomaan Shauque

    gar na andoh-e-shab-e-furqat bayan ho jaega Nomaan Shauque

    Source:

    Deewan-e-Ghalib Jadeed (Pg. 166)

    • Author: Mirza Ghalib
      • Publisher: Madhya Pradesh Urdu Academy, Bhopal
      • Year of Publication: 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now