gar unhen hai apni surat par ghamanD

gar unheñ hai apnī sūrat par ghamanD

ham ko hai apnī mohabbat par ghamanD

mere un ke phir bhalā kyūñ-kar bane

ḳhatm hai donoñ kī ḳhaslat par ghamanD

kyā nahīñ dekhī bulandī aah kī

kyuuñ falak kartā hai rif.at par ghamanD

kaam qārūñ ke na aayā māl-o-zar

mun.imo bejā hai daulat par ghamanD

bādshāh-e-haft-kishor hai to kyā

kar na do din kī hukūmat par ghamanD

dekh kar ā.īna mujh ko dañg hai

mujh ko bhī hai apnī hairat par ghamanD

un ko apnī sub.h-e-mahshar par hai naaz

ham ko apnī shām-e-furqat par ghamanD

chhup-chhupā kar dekh bhī leñge tumheñ

ham ko bhī hai apnī jur.at par ghamanD

kuchh nahīñ kar saktā 'anjum' aap kā

āsmāñ ko hai jo hasrat par ghamanD

gar unhen hai apni surat par ghamanD

hum ko hai apni mohabbat par ghamanD

mere un ke phir bhala kyun-kar bane

KHatm hai donon ki KHaslat par ghamanD

kya nahin dekhi bulandi aah ki

kyun falak karta hai rifat par ghamanD

kaam qarun ke na aaya mal-o-zar

munimo beja hai daulat par ghamanD

baadshah-e-haft-kishor hai to kya

kar na do din ki hukumat par ghamanD

dekh kar aaina mujh ko dang hai

mujh ko bhi hai apni hairat par ghamanD

un ko apni subh-e-mahshar par hai naz

hum ko apni sham-e-furqat par ghamanD

chhup-chhupa kar dekh bhi lenge tumhein

hum ko bhi hai apni jurat par ghamanD

kuchh nahin kar sakta 'anjum' aap ka

aasman ko hai jo hasrat par ghamanD