garche sahl nahin lekin tere kahne par launga
garche sahl nahīñ lekin tere kahne par lā.ūñgā
kaaT ke apne hāthoñ meñ ab apnā hī sar lā.ūñgā
jis meñ hoñ tayyār khaḌī har samt sarāboñ kī fasleñ
apne kandhoñ par vo registān uThā kar lā.ūñgā
qaus-e-quzah ke rañgoñ se tayyār karūñgā naqsh nayā
rah jaao añgusht-ba-dandāñ aisā manzar lā.ūñgā
un kī yaad meñ bahte aañsū ḳhushk agar ho jā.eñge
saat samundar apnī ḳhālī ā.ankhoñ meñ bhar lā.ūñgā
jā pahuñchūñgā taḳht-e-muallā tak apnī fariyād liye
dast-e-ḳhās se likhvā kar ik nayā muqaddar lā.ūñgā
garche sahl nahin lekin tere kahne par launga
kaT ke apne hathon mein ab apna hi sar launga
jis mein hon tayyar khaDi har samt sarabon ki faslen
apne kandhon par wo registan uTha kar launga
qaus-e-quzah ke rangon se tayyar karunga naqsh naya
rah jao angusht-ba-dandan aisa manzar launga
un ki yaad mein bahte aansu KHushk agar ho jaenge
sat samundar apni KHali aaankhon mein bhar launga
ja pahunchunga taKHt-e-mualla tak apni fariyaad liye
dast-e-KHas se likhwa kar ek naya muqaddar launga
- Book : kushaad (Pg. 38)
- Author : saadiq
- Publication : meyaar publication (1992)
- Edition : 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
