gard ko kuduraton ki dho na pae hum

gard ko kudūratoñ kī dho na paa.e ham

dil bahut udaas hai ki ro na paa.e ham

vujūd ke chahār samt regzār thā

kahīñ bhī ḳhvāhishoñ ke biij bo na paa.e ham

ruuh se to pahle din hī haar maan lī

bojh apne jism kā bhī Dho na paa.e ham

dasht meñ to ek ham the aur kuchh na thā

shahr ke hujūm meñ bhī kho na paa.e ham

ek ḳhvāb dekhne kī aarzū rahī

isī liye tamām 'umr so na paa.e ham

gard ko kuduraton ki dho na pae hum

dil bahut udas hai ki ro na pae hum

wujud ke chahaar samt regzar tha

kahin bhi KHwahishon ke bij bo na pae hum

ruh se to pahle din hi haar man li

bojh apne jism ka bhi Dho na pae hum

dasht mein to ek hum the aur kuchh na tha

shahr ke hujum mein bhi kho na pae hum

ek KHwab dekhne ki aarzu rahi

isi liye tamam 'umr so na pae hum