gardish-e-ab-o-hawa jaanti hai
gardish-e-āb-o-havā jāntī hai
dil hai kyuuñ dil se judā jāntī hai
saañs lenā hai fanā ho jaanā
raaz ye barg-e-hinā jāntī hai
kaise raushan hai is āñdhī meñ charāġh
saarī tafsīl havā jāntī hai
yuuñ dabe paañv chalī bād-e-nasīm
jaise ādāb-e-hayā jāntī hai
rū-e-ġhuncha pe damak hai kis kī
shabnam-e-ābla-pā jāntī hai
farsh-e-rah ban ke bikhar jaatī hai
bū-e-gul dard-e-sabā jāntī hai
haiñ abas kunj-e-nahufta meñ tuyūr
rāsta barq-e-fanā jāntī hai
gardish-e-ab-o-hawa jaanti hai
dil hai kyun dil se juda jaanti hai
sans lena hai fana ho jaana
raaz ye barg-e-hina jaanti hai
kaise raushan hai is aandhi mein charagh
sari tafsil hawa jaanti hai
yun dabe panw chali baad-e-nasim
jaise aadab-e-haya jaanti hai
ru-e-ghuncha pe damak hai kis ki
shabnam-e-abla-pa jaanti hai
farsh-e-rah ban ke bikhar jati hai
bu-e-gul dard-e-saba jaanti hai
hain abas kunj-e-nahufta mein tuyur
rasta barq-e-fana jaanti hai
- Book : Bahar-e-ejaad (Pg. 129)
- Author : Syed Amin Ashraf
- Publication : Urdu Monthly Shabkhoon Rani Mandi Allahabad (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
