gardish-e-chashm-e-yar ne mara

gardish-e-chashm-e-yār ne maarā

daur-e-lail-o-nahār ne maarā

mar rahā huuñ magar nahīñ martā

ḳhalish-e-intizār ne maarā

saḳht-jānī mirī jo sun paa.ī

dam na phir teġh-e-yār ne maarā

vasl meñ bhī ye muztarib hī rahā

is dil-e-be-qarār ne maarā

ham to jiite abhī magar 'beḳhud'

sitam-e-rozgār ne maarā

gardish-e-chashm-e-yar ne mara

daur-e-lail-o-nahaar ne mara

mar raha hun magar nahin marta

KHalish-e-intizar ne mara

saKHt-jaani meri jo sun pai

dam na phir tegh-e-yar ne mara

wasl mein bhi ye muztarib hi raha

is dil-e-be-qarar ne mara

hum to jite abhi magar 'beKHud'

sitam-e-rozgar ne mara