gardish-e-saghar subu ke darmiyan

gardish-e-sāġhar subū ke darmiyāñ

zindagī hai hāo-hū ke darmiyāñ

zaḳhm aur poshāk bhī rakkhe ga.e

aa.ina aur āb-jū ke darmiyāñ

tīsrā rasta kidhar ko jaa.e hai

aarzū aur justujū ke darmiyāñ

kitnī be-ma.anī sī hai ye zindagī

ḳhāmoshī aur guftugū ke darmiyāñ

zindagī tarjīh kis ko detī hai

sabz-rū aur ḳhush-gulū ke darmiyāñ

yaad kī ik ajnabī parchhā.īñ hai

rañg-o-bū-o-kāḳh-o-kū ke darmiyāñ

vaqt se bach kar nikal jā.ūñ kahīñ

ek dar hai chaar sū ke darmiyāñ

merā chehra dūsroñ se muḳhtalif

farq hai kyā ye lahū ke darmiyāñ

gardish-e-saghar subu ke darmiyan

zindagi hai hao-hu ke darmiyan

zaKHm aur poshak bhi rakkhe gae

aaina aur aab-ju ke darmiyan

tisra rasta kidhar ko jae hai

aarzu aur justuju ke darmiyan

kitni be-mani si hai ye zindagi

KHamoshi aur guftugu ke darmiyan

zindagi tarjih kis ko deti hai

sabz-ru aur KHush-gulu ke darmiyan

yaad ki ek ajnabi parchhain hai

rang-o-bu-o-kaKH-o-ku ke darmiyan

waqt se bach kar nikal jaun kahin

ek dar hai chaar su ke darmiyan

mera chehra dusron se muKHtalif

farq hai kya ye lahu ke darmiyan