gardish ka ek lamha yun bebak hua
gardish kā ik lamha yuuñ bebāk huā
sone chāñdī kā har manzar ḳhaak huā
nahr kināre ek samundar pyāsā hai
Dhalte hue sūraj kā siina chaak huā
ik shaffāf tabī.at vaalā sahrā.ī
shahr meñ rah kar kis darja chālāk huā
shab ujlī dastāreñ kyā sar-garm huiiñ
bhor samay saarā manzar namnāk huā
vo to ujāloñ jaisā thā us kī ḳhātir
aane vaalā har lamha saffāk huā
ḳhāl-o-ḳhad manzar paikar aur gul buuTe
ḳhuub hue mere hāthoñ meñ chaak huā
ik tālāb kī lahroñ se laḌte laḌte
vo bhī kaale dariyā kā pairāk huā
mausam ne karvaT lī kyā āñdhī aa.ī
ab ke to kohsār ḳhas-o-ḳhāshāk huā
bātin kī saarī lahreñ thiiñ joban par
us ke aariz kā til bhī bebāk huā
chand suhāne manzar kuchh kaḌvī yādeñ
āḳhir 'amabar' kā bhī qissa paak huā
gardish ka ek lamha yun bebak hua
sone chandi ka har manzar KHak hua
nahr kinare ek samundar pyasa hai
Dhalte hue suraj ka sina chaak hua
ek shaffaf tabiat wala sahrai
shahr mein rah kar kis darja chaalak hua
shab ujli dastaren kya sar-garm huin
bhor samay sara manzar namnak hua
wo to ujalon jaisa tha us ki KHatir
aane wala har lamha saffak hua
KHal-o-KHad manzar paikar aur gul buTe
KHub hue mere hathon mein chaak hua
ek talab ki lahron se laDte laDte
wo bhi kale dariya ka pairak hua
mausam ne karwaT li kya aandhi aai
ab ke to kohsar KHas-o-KHashak hua
baatin ki sari lahren thin joban par
us ke aariz ka til bhi bebak hua
chand suhane manzar kuchh kaDwi yaaden
aaKHir 'amabar' ka bhi qissa pak hua
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
