gardish mein zahr bhi hai musalsal lahu ke sath
gardish meñ zahr bhī hai musalsal lahū ke saath
martā bhī jā rahā huuñ maiñ apnī numū ke saath
jin mausamoñ meñ terī rifāqat thī nā-guzīr
tū ne ruteñ banā.ī haiñ vo bhī adū ke saath
mujh ko atā huā hai ye kaisā libās-e-zīst
baḌhte haiñ jis ke chaak barābar rafū ke saath
mujh ko vahī milā mujhe jis kī talab na thī
mashrūt kuchh nahīñ hai yahāñ aarzū ke saath
ab jām-e-jam se log yahāñ mutma.in nahīñ
'jāzib' guzar rahī hai shikasta subū ke saath
gardish mein zahr bhi hai musalsal lahu ke sath
marta bhi ja raha hun main apni numu ke sath
jin mausamon mein teri rifaqat thi na-guzir
tu ne ruten banai hain wo bhi adu ke sath
mujh ko ata hua hai ye kaisa libas-e-zist
baDhte hain jis ke chaak barabar rafu ke sath
mujh ko wahi mila mujhe jis ki talab na thi
mashrut kuchh nahin hai yahan aarzu ke sath
ab jam-e-jam se log yahan mutmain nahin
'jazib' guzar rahi hai shikasta subu ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
