gareban-e-qaba-e-zist mein ek tar baqi hai
gareban-e-qaba-e-zist mein ek tar baqi hai
Prem Shankar Goila Farhat
MORE BYPrem Shankar Goila Farhat
garebān-e-qabā-e-zīst meñ ik taar baaqī hai
ajal dam le abhī to manzil-e-dushvār baaqī hai
zarā ai dil mohabbat kā tarāna tez-tar kar de
abhī kuchh imtiyāz-e-kāfir-o-dīñ-dār baaqī hai
sitamgārī ko tanhā kyuuñ shi.ār-e-āsmāñ samjhūñ
abhī sharh-e-mizāj-e-charḳh-e-kaj-raftār baaqī hai
balā-nosh is ḳharābāt-e-jahāñ se kis qadar guzre
lab-e-sāġhar pe zikr-e-rind-e-ḳhush-atvār baaqī hai
rahe garm-e-tavāf-e-dair-o-ka.aba muddatoñ lekin
tamannā-e-tavāf-e-āstān-e-yār baaqī hai
gareban-e-qaba-e-zist mein ek tar baqi hai
ajal dam le abhi to manzil-e-dushwar baqi hai
zara ai dil mohabbat ka tarana tez-tar kar de
abhi kuchh imtiyaz-e-kafir-o-din-dar baqi hai
sitamgari ko tanha kyun shiar-e-asman samjhun
abhi sharh-e-mizaj-e-charKH-e-kaj-raftar baqi hai
bala-nosh is KHarabaat-e-jahan se kis qadar guzre
lab-e-saghar pe zikr-e-rind-e-KHush-atwar baqi hai
rahe garm-e-tawaf-e-dair-o-kaba muddaton lekin
tamanna-e-tawaf-e-astan-e-yar baqi hai
- Book : Saaz-e-hayat (Pg. 79)
- Author : Prem Shankar Goila Farhat
- Publication : Maktaba Tahriik, Ansari Market, Daryaganj (1965)
- Edition : 1965
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
