gareban ko junun mein ta-ba-daman chaak hona tha

garebāñ ko junūñ meñ tā-ba-dāman chaak honā thā

javāb-e-jāda-e-sahrā-e-vahshat-nāk honā thā

taġhāful ke gile sun kar jhukā liiñ tum ne kyoñ āñkheñ

mire sharminda karne ko zarā bebāk honā thā

nigāh-e-garm kī bijlī se jalnā thā muqaddar meñ

kisī ko aag honā thā kisī ko ḳhaak honā thā

jo āñkheñ pūchhtīñ us kī to dil merā batā detā

yahāñ sharmā ke jhuknā thā yahāñ bebāk honā thā

taḌap dil kī dikhānā thā 'jalāl' un shoḳh-chashmoñ ko

vahīñ kī baḳht ne sustī jahāñ chālāk honā thā

gareban ko junun mein ta-ba-daman chaak hona tha

jawab-e-jada-e-sahra-e-wahshat-nak hona tha

taghaful ke gile sun kar jhuka lin tum ne kyon aankhen

mere sharminda karne ko zara bebak hona tha

nigah-e-garm ki bijli se jalna tha muqaddar mein

kisi ko aag hona tha kisi ko KHak hona tha

jo aankhen puchhtin us ki to dil mera bata deta

yahan sharma ke jhukna tha yahan bebak hona tha

taDap dil ki dikhana tha 'jalal' un shoKH-chashmon ko

wahin ki baKHt ne susti jahan chaalak hona tha