ghariq-e-zikr-e-KHuda din ko KHanqah mein tha

ġharīq-e-zikr-e-ḳhudā din ko ḳhānqāh meñ thā

jo shaiḳh raat ko Duubā huā gunāh meñ thā

tamām sañg-dilī yā ki phir ġhurūr-o-hasham

kuchh aur is ke sivā bhī jahāñ-panāh meñ thā

hurūf-e-makr tire lab pe the magar zālim

mujhe fareb bhī khānā vafā kī raah meñ thā

tumhāre qaul-o-qasam par fareb kyā khātā

tumhārā tarz-e-adā bhī mirī nigāh meñ thā

Tapak ke dīda-e-nam se sadā.eñ detā hai

jo ek harf-e-tamannā dil-e-tabāh meñ thā

mujhe to raas ai 'ḳhālid' yahī zamīñ aa.ī

ye aur baat mirā zikr mahr-o-māh meñ thā

ghariq-e-zikr-e-KHuda din ko KHanqah mein tha

jo shaiKH raat ko Duba hua gunah mein tha

tamam sang-dili ya ki phir ghurur-o-hasham

kuchh aur is ke siwa bhi jahan-panah mein tha

huruf-e-makr tere lab pe the magar zalim

mujhe fareb bhi khana wafa ki rah mein tha

tumhaare qaul-o-qasam par fareb kya khata

tumhaara tarz-e-ada bhi meri nigah mein tha

Tapak ke dida-e-nam se sadaen deta hai

jo ek harf-e-tamanna dil-e-tabah mein tha

mujhe to ras ai 'KHalid' yahi zamin aai

ye aur baat mera zikr mahr-o-mah mein tha