garmiyan shoKHiyan kis shan se hum dekhte hain

garmiyāñ shoḳhiyāñ kis shaan se ham dekhte haiñ

kyā hī nādāniyāñ nādān se ham dekhte haiñ

ġhair se bosa-zanī aur hameñ dushnāmeñ

muñh liye apnā pashīmān se ham dekhte haiñ

fasl-e-gul ab kī junūñ-ḳhez nahīñ sad-afsos

duur haath apnā garebān se ham dekhte haiñ

aaj kis shoḳh kī gulshan meñ hinā-bandī hai

sarv raqsāñ haiñ gulistān se ham dekhte haiñ

'aḳhtar'-e-zār bhī ho mus.haf-e-ruḳh par shaidā

faal ye nek hai qur.ān se ham dekhte haiñ

garmiyan shoKHiyan kis shan se hum dekhte hain

kya hi nadaniyan nadan se hum dekhte hain

ghair se bosa-zani aur hamein dushnamen

munh liye apna pashiman se hum dekhte hain

fasl-e-gul ab ki junun-KHez nahin sad-afsos

dur hath apna gareban se hum dekhte hain

aaj kis shoKH ki gulshan mein hina-bandi hai

sarw raqsan hain gulistan se hum dekhte hain

'aKHtar'-e-zar bhi ho mushaf-e-ruKH par shaida

fal ye nek hai quran se hum dekhte hain