gasht mein hai meri nazar kucha-ba-kucha dar-ba-dar

gasht meñ hai mirī nazar kūcha-ba-kūcha dar-ba-dar

phirne lagī idhar-udhar kūcha-ba-kūcha dar-ba-dar

sūrat-e-ḳhāk kī basar kūcha-ba-kūcha dar-ba-dar

phirtā rahā huuñ umr bhar kūcha-ba-kūcha dar-ba-dar

kaun hai tū kahāñ hai tū miltā nahīñ mujhe patā

dhuum hai terī is qadar kūcha-ba-kūcha dar-ba-dar

chain nahīñ kisī jagah phirtā huuñ qais kī tarah

duniyā meñ sab ko chhoḌ kar kūcha-ba-kūcha dar-ba-dar

nālāñ idhar hai dil mirā jab se koī judā huā

DhūñDhtī hai udhar nazar kūcha-ba-kūcha dar-ba-dar

haal kuchh aur ho gayā paḌ ga.e laale jaan ke

Thokareñ khā.īñ is qadar kūcha-ba-kūcha dar-ba-dar

dil thā kisī kī yaad thī ashk the aur aah thī

rotā rahā huuñ umr bhar kūcha-ba-kūcha dar-ba-dar

dil thā mirā makān-e-dost dil hī meñ thā maqām-e-dost

phir bhī talāsh kī magar kūcha-ba-kūcha dar-ba-dar

dair-o-haram meñ kab milā sāmne vo kabhī na thā

DhūñDeñ use kidhar kidhar kidhar kūcha-ba-kūcha dar-ba-dar

chain use kahīñ nahīñ phirtā hai 'hāmid'-e-hazīñ

thāme hue dil-o-jigar kūcha-ba-kūcha dar-ba-dar

gasht mein hai meri nazar kucha-ba-kucha dar-ba-dar

phirne lagi idhar-udhar kucha-ba-kucha dar-ba-dar

surat-e-KHak ki basar kucha-ba-kucha dar-ba-dar

phirta raha hun umr bhar kucha-ba-kucha dar-ba-dar

kaun hai tu kahan hai tu milta nahin mujhe pata

dhum hai teri is qadar kucha-ba-kucha dar-ba-dar

chain nahin kisi jagah phirta hun qais ki tarah

duniya mein sab ko chhoD kar kucha-ba-kucha dar-ba-dar

nalan idhar hai dil mera jab se koi juda hua

DhunDhti hai udhar nazar kucha-ba-kucha dar-ba-dar

haal kuchh aur ho gaya paD gae lale jaan ke

Thokaren khain is qadar kucha-ba-kucha dar-ba-dar

dil tha kisi ki yaad thi ashk the aur aah thi

rota raha hun umr bhar kucha-ba-kucha dar-ba-dar

dil tha mera makan-e-dost dil hi mein tha maqam-e-dost

phir bhi talash ki magar kucha-ba-kucha dar-ba-dar

dair-o-haram mein kab mila samne wo kabhi na tha

DhunDen use kidhar kidhar kidhar kucha-ba-kucha dar-ba-dar

chain use kahin nahin phirta hai 'hamid'-e-hazin

thame hue dil-o-jigar kucha-ba-kucha dar-ba-dar