ghaugha-e-pand go na raha nauhagar raha

ġhauġhā-e-pand go na rahā nauhagar rahā

hañgāma ik na ik mire bālīn par rahā

e.ajāz-e-dil-farebī-e-andāz dekhnā

har har adā pe mujh ko gumān-e-nazar rahā

qāsid bhī koī sabr-e-dil-e-nā-shakeb thā

aate hī aate raah meñ kam-baḳht mar rahā

parhez-e-ishq se mujhe vahshat fuzūñ huī to

maiñ kuchh davā se aur bhī ranjūr-tar rahā

hai pā-e-harza-nāz meñ kyā gardish-e-nasīb

do din na chain se sar-e-shorīda-sar rahā

uTh uTh ke saath saath mire thak ke rah gayā

maiñ kuchh tapish meñ dard se betāb-tar rahā

ghaugha-e-pand go na raha nauhagar raha

hangama ek na ek mere baalin par raha

eajaz-e-dil-farebi-e-andaz dekhna

har har ada pe mujh ko guman-e-nazar raha

qasid bhi koi sabr-e-dil-e-na-shakeb tha

aate hi aate rah mein kam-baKHt mar raha

parhez-e-ishq se mujhe wahshat fuzun hui to

main kuchh dawa se aur bhi ranjur-tar raha

hai pa-e-harza-naz mein kya gardish-e-nasib

do din na chain se sar-e-shorida-sar raha

uTh uTh ke sath sath mere thak ke rah gaya

main kuchh tapish mein dard se betab-tar raha