gauhar-e-ashk se labrez hai saarā dāman
āj-kal dāman-e-daulat hai hamārā dāman
ai junūñ bād-e-bahārī se nahīñ jumbish meñ
kuchh garebān se kartā hai ishārā dāman
vasl kī raat hai bigḌo na barābar to rahe
phaT gayā merā garebān tumhārā dāman
jāma-chīn ne nahīñ ye phuul chune nargis ke
saikḌoñ āñkhoñ se kartā hai nazārā dāman
bahut ai dast-e-junūñ tañg-nazar aatā hai
bāñdh de dāman-e-sahrā se hamārā dāman
ḳhuub pahuñchā diyā ai dast-e-junūñ hāthoñ-hāth
mil gayā aaj garebān se saarā dāman
aamad aamad mire ashkoñ kī magar sun lī hai
jhaaḌ kar gard jo sahrā ne sañvārā dāman
gauhar-e-ashk se labrez hai sara daman
aaj-kal daman-e-daulat hai hamara daman
ai junun baad-e-bahaari se nahin jumbish mein
kuchh gareban se karta hai ishaara daman
wasl ki raat hai bigDo na barabar to rahe
phaT gaya mera gareban tumhaara daman
jama-chin ne nahin ye phul chune nargis ke
saikDon aankhon se karta hai nazara daman
bahut ai dast-e-junun tang-nazar aata hai
bandh de daman-e-sahra se hamara daman
KHub pahuncha diya ai dast-e-junun hathon-hath
mil gaya aaj gareban se sara daman
aamad aamad mere ashkon ki magar sun li hai
jhaD kar gard jo sahra ne sanwara daman
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
