ghaur se dekh yar KHatra hai

ġhaur se dekh yaar ḳhatra hai

ishq meñ be-shumār ḳhatra hai

phir vahī aap kā yaqīñ ham par

phir vahī e'tibār ḳhatra hai

har chamakte hue sitāre kā

jugnuoñ meñ shumār ḳhatra hai

itnī shiddat se dekhne vaale

shiddat-e-etizār ḳhatra hai

koī nādān ko ye samjhā.e

aap apnā shikār ḳhatra hai

aur koī nazar na aa.e hameñ

is qadar ḳhud se pyaar ḳhatra hai

saaf lafzoñ meñ kar bayāñ 'jyotī'

dil meñ uThtā ġhubār ḳhatra hai

ghaur se dekh yar KHatra hai

ishq mein be-shumar KHatra hai

phir wahi aap ka yaqin hum par

phir wahi e'tibar KHatra hai

har chamakte hue sitare ka

jugnuon mein shumar KHatra hai

itni shiddat se dekhne wale

shiddat-e-etizar KHatra hai

koi nadan ko ye samjhae

aap apna shikar KHatra hai

aur koi nazar na aae hamein

is qadar KHud se pyar KHatra hai

saf lafzon mein kar bayan 'jyoti'

dil mein uThta ghubar KHatra hai