ghaur se mujhko dekhta hai kya

ġhaur se mujh ko dekhtā hai kyā

mere chehre pe kuchh likhā hai kyā

merī āñkhoñ meñ jhāñktā hai kyā

tujh ko in meñ hī Dūbnā hai kyā

mere hoñToñ ko chhū liyā us ne

kyā batā.ūñ mujhe huā hai kyā

ai kabūtar zarā batā mujh ko

un kī chhat par bhī baiThtā hai kyā

par kaTe panchhiyoñ se pūchhte ho

tum meñ uḌne kā hausla hai kyā

fāsle ishq meñ hī hote haiñ

tujh ko ye bhī nahīñ patā hai kyā

merī duniyā meñ bas tū hī tū hai

ab batā terā faisla hai kyā

pyaar se maañg lī hai jaan us ne

mere hisse meñ ab bachā hai kyā

chal kahīñ duur chalte haiñ 'nādim'

ghar ko jaane meñ bhī rakhā hai kyā

ghaur se mujh ko dekhta hai kya

mere chehre pe kuchh likha hai kya

meri aankhon mein jhankta hai kya

tujh ko in mein hi Dubna hai kya

mere honTon ko chhu liya us ne

kya bataun mujhe hua hai kya

ai kabutar zara bata mujh ko

un ki chhat par bhi baiThta hai kya

par kaTe panchhiyon se puchhte ho

tum mein uDne ka hausla hai kya

fasle ishq mein hi hote hain

tujh ko ye bhi nahin pata hai kya

meri duniya mein bas tu hi tu hai

ab bata tera faisla hai kya

pyar se mang li hai jaan us ne

mere hisse mein ab bacha hai kya

chal kahin dur chalte hain 'nadim'

ghar ko jaane mein bhi rakha hai kya