ghazab hai justuju-e-dil ka ye anjam ho jae

ġhazab hai justujū-e-dil kā ye anjām ho jaa.e

ki manzil duur ho aur rāste meñ shaam ho jaa.e

vahī naala vahī naġhma bas ik tafrīq-e-lafzī hai

qafas ko muntashir kar do nasheman naam ho jaa.e

tasadduq ismat-e-kaunain us majzūb-e-ulfat par

jo un kā ġham chhupā.e aur ḳhud bad-nām ho jaa.e

ye aalam ho to un ko be-hijābī kī zarūrat kyā

naqāb uThne na paa.e aur jalva aam ho jaa.e

ye merā faisla hai aap mere ho nahīñ sakte

maiñ jab jānūñ ki ye jazba mirā nākām ho jaa.e

abhī to dil meñ halkī sī ḳhalish mahsūs hotī hai

bahut mumkin hai kal is kā mohabbat naam ho jaa.e

jo merā dil na ho 'sherī' harīf un kī nigāhoñ kā

to duniyā bhar meñ barpā inqalāb-e-ām ho jaa.e

ghazab hai justuju-e-dil ka ye anjam ho jae

ki manzil dur ho aur raste mein sham ho jae

wahi nala wahi naghma bas ek tafriq-e-lafzi hai

qafas ko muntashir kar do nasheman nam ho jae

tasadduq ismat-e-kaunain us majzub-e-ulfat par

jo un ka gham chhupae aur KHud bad-nam ho jae

ye aalam ho to un ko be-hijabi ki zarurat kya

naqab uThne na pae aur jalwa aam ho jae

ye mera faisla hai aap mere ho nahin sakte

main jab jaanun ki ye jazba mera nakaam ho jae

abhi to dil mein halki si KHalish mahsus hoti hai

bahut mumkin hai kal is ka mohabbat nam ho jae

jo mera dil na ho 'sheri' harif un ki nigahon ka

to duniya bhar mein barpa inqalab-e-am ho jae