ghazal mein jaan paDi guftugu mein phul khile

ġhazal meñ jaan paḌī guftugū meñ phuul khile

mirī navā se dayār-e-numū meñ phuul khile

mire hī sher uchhāle mire harīfoñ ne

mire tufail zabān-e-adū meñ phuul khile

unheñ ye zom ki be-sūd hai sadā-e-suḳhan

hameñ ye zid ki isī hāo-hū meñ phuul khile

ye kis ko yaad kiyā ruuh kī zarūrat ne

ye kis ke naam se mere lahū meñ phuul khile

bahār ab ke na Thahrī kisī bhī qarye meñ

na bāġh-e-ḳhvāb na sahrā-e-hū meñ phuul khile

zamīn-e-kūfa ko yuuñ hī ḳharāb rahnā thā

to kis liye ye sinān-o-gulū meñ phuul khile

mire junūñ se pas-e-dasht-e-jāñ ġhubār uThā

mire lahū se dar-e-rū-ba-rū meñ phuul khile

kabhī kamand koī mauj Daal de 'arshad'

kabhī havā-e-sar-e-ābjū meñ phuul khile

ghazal mein jaan paDi guftugu mein phul khile

meri nawa se dayar-e-numu mein phul khile

mere hi sher uchhaale mere harifon ne

mere tufail zaban-e-adu mein phul khile

unhen ye zom ki be-sud hai sada-e-suKHan

hamein ye zid ki isi hao-hu mein phul khile

ye kis ko yaad kiya ruh ki zarurat ne

ye kis ke nam se mere lahu mein phul khile

bahaar ab ke na Thahri kisi bhi qarye mein

na bagh-e-KHwab na sahra-e-hu mein phul khile

zamin-e-kufa ko yun hi KHarab rahna tha

to kis liye ye sinan-o-gulu mein phul khile

mere junun se pas-e-dasht-e-jaan ghubar uTha

mere lahu se dar-e-ru-ba-ru mein phul khile

kabhi kamand koi mauj Dal de 'arshad'

kabhi hawa-e-sar-e-abju mein phul khile