ghazal mir ki kab paDhai nahin

ġhazal 'mīr' kī kab paḌhā.ī nahīñ

ki hālat mujhe ġhash kī aa.ī nahīñ

zabāñ se hamārī hai sayyād ḳhush

hameñ ab umīd-e-rihā.ī nahīñ

kitābat ga.ī kab ki us shoḳh ne

banā us kī gaDDī uḌaa.ī nahīñ

nasīm aa.ī mere qafas meñ abas

gulistāñ se do phuul laa.ī nahīñ

mirī dil-lagī us ke rū se hī hai

gul-e-tar se kuchh āshnā.ī nahīñ

navishte kī ḳhūbī likhī kab ga.ī

kitābat bhī ek ab tak aa.ī nahīñ

judā rahte barsoñ hue kyūñki ye

kināya nahīñ be-adā.ī nahīñ

gila hijr kā sun ke kahne lagā

hamāre tumhāre judā.ī nahīñ

siyah-tāla.ī merī zāhir hai ab

nahīñ shab ki us se laḌā.ī nahīñ

ghazal 'mir' ki kab paDhai nahin

ki haalat mujhe ghash ki aai nahin

zaban se hamari hai sayyaad KHush

hamein ab umid-e-rihai nahin

kitabat gai kab ki us shoKH ne

bana us ki gaDDi uDai nahin

nasim aai mere qafas mein abas

gulistan se do phul lai nahin

meri dil-lagi us ke ru se hi hai

gul-e-tar se kuchh aashnai nahin

nawishte ki KHubi likhi kab gai

kitabat bhi ek ab tak aai nahin

juda rahte barson hue kyunki ye

kinaya nahin be-adai nahin

gila hijr ka sun ke kahne laga

hamare tumhaare judai nahin

siyah-talai meri zahir hai ab

nahin shab ki us se laDai nahin