ghayal hai teri shahzadi shahzade

ghāyal hai terī shahzādī shahzāde

tū ne jo har baat bhulā dī shahzāde

har jānib ho ek munādī shahzāde

terī ho ga.ī ye shahzādī shahzāde

hañste hañste rotī huuñ phir hañstī huuñ

ishq ne kaisī mujh ko sazā dī shahzāde

aaj bhī arsh ko dekhā terā naam liyā

aaj bhī maiñ ne tujh ko duā dī shahzāde

shaam Dhale to dard bhī apnī aamad kī

kar detā hai roz munādī shahzāde

ham ne to bas pyaar kiyā thā paap nahīñ

logoñ ne to baat baḌhā dī shahzāde

tujh ko chāhā to phir TuuT ke chāhā hai

sho.aloñ ko bhī ḳhuub havā dī shahzāde

qabr pe rote rahne se sukh pāoge

tum ne kitnī der lagā dī shahzāde

bolo āḳhir dil par kyā kuchh bītegī

tum ne jo har yaad miTā dī shahzāde

jitnī umr hai baaqī vo bhī tere naam

jitnī thī vo tujh pe luTā dī shahzāde

aaj 'rabāb' ke lab par chīḳhī ḳhāmoshī

ḳhāmoshī ne tujh ko sadā dī shahzāde

ghayal hai teri shahzadi shahzade

tu ne jo har baat bhula di shahzade

har jaanib ho ek munadi shahzade

teri ho gai ye shahzadi shahzade

hanste hanste roti hun phir hansti hun

ishq ne kaisi mujh ko saza di shahzade

aaj bhi arsh ko dekha tera nam liya

aaj bhi main ne tujh ko dua di shahzade

sham Dhale to dard bhi apni aamad ki

kar deta hai roz munadi shahzade

hum ne to bas pyar kiya tha pap nahin

logon ne to baat baDha di shahzade

tujh ko chaha to phir TuT ke chaha hai

shoalon ko bhi KHub hawa di shahzade

qabr pe rote rahne se sukh paoge

tum ne kitni der laga di shahzade

bolo aaKHir dil par kya kuchh bitegi

tum ne jo har yaad miTa di shahzade

jitni umr hai baqi wo bhi tere nam

jitni thi wo tujh pe luTa di shahzade

aaj 'rabab' ke lab par chiKHi KHamoshi

KHamoshi ne tujh ko sada di shahzade