ghaDi ghaDi na mujhe puchh ek taza sawal

ghaḌī ghaḌī na mujhe pūchh ek taaza savāl

udaas raat ke siine pe aur bojh na Daal

khile haiñ phuul suḳhan ke jalī hai sham-e-ḳhayāl

qafas meñ jhāñk ke dekho qafas-zadoñ kā kamāl

usī ke zikr se ham shahr meñ hue bad-nām

vo ek shaḳhs ki jis se hamārī bol na chaal

tire vajūd pe chhā kar tirī nazar se gire

hamīñ ne raaj kiyā thā hamīñ hue kañgāl

bichhaḌ gayā na vo āḳhir adhūrī baat liye

maiñ us se kahtā rahā roz roz baat na Taal

sitamgarī kī na.ī rasm DhūñD lī us ne

hamāre sāmne detā hai dūsroñ kī misāl

kabhī jo baiTh ga.e jā ke do ghaḌī us paas

'nazar'-jī! dhul gayā barsoñ kā jī se huzn-o-malāl

ghaDi ghaDi na mujhe puchh ek taza sawal

udas raat ke sine pe aur bojh na Dal

khile hain phul suKHan ke jali hai sham-e-KHayal

qafas mein jhank ke dekho qafas-zadon ka kamal

usi ke zikr se hum shahr mein hue bad-nam

wo ek shaKHs ki jis se hamari bol na chaal

tere wajud pe chha kar teri nazar se gire

hamin ne raj kiya tha hamin hue kangal

bichhaD gaya na wo aaKHir adhuri baat liye

main us se kahta raha roz roz baat na Tal

sitamgari ki nai rasm DhunD li us ne

hamare samne deta hai dusron ki misal

kabhi jo baiTh gae ja ke do ghaDi us pas

'nazar'-ji! dhul gaya barson ka ji se huzn-o-malal