ghaDi ghaDi use roko ghaDi ghaDi samjhao

ghaḌī ghaḌī use roko ghaḌī ghaḌī samjhāo

magar ye dil hai ki kuchh dekhtā hai aao na taao

ab us ke dard ko dil meñ liye taḌapte ho

kahā thā kis ne ki us ḳhush-nazar se aañkh milāo

ajab tarah ke jhamele haiñ ishq meñ sāhab

barat sako to ho ma.alūm aaTe daal kā bhaav

chalo vo aglā sā josh-o-ḳharosh to na rahā

magar ye kyā ki milo aur haath bhī na milāo

nazar hai shart haqīqat ko dekhne ke liye

ki har bigāḌ meñ hote haiñ sau tarah ke banāv

hamāre haal kā kyā hai sudhar hī jā.egā

magar ye baat ki tum apnī uljhī laT suljhāo

hamārī umr bhī guzrī hai is ḳharābe meñ

kahāñ ke hote haiñ ye log ahl-e-ishq haTāo

kabhī khilo bhī ye kyā hai ki 'āftāb-husain'

paḌe raho yūñhī ghar par kisī ke aao na jaao

ghaDi ghaDi use roko ghaDi ghaDi samjhao

magar ye dil hai ki kuchh dekhta hai aao na tao

ab us ke dard ko dil mein liye taDapte ho

kaha tha kis ne ki us KHush-nazar se aankh milao

ajab tarah ke jhamele hain ishq mein sahab

barat sako to ho malum aaTe dal ka bhaw

chalo wo agla sa josh-o-KHarosh to na raha

magar ye kya ki milo aur hath bhi na milao

nazar hai shart haqiqat ko dekhne ke liye

ki har bigaD mein hote hain sau tarah ke banaw

hamare haal ka kya hai sudhar hi jaega

magar ye baat ki tum apni uljhi laT suljhao

hamari umr bhi guzri hai is KHarabe mein

kahan ke hote hain ye log ahl-e-ishq haTao

kabhi khilo bhi ye kya hai ki 'aftab-husain'

paDe raho yunhi ghar par kisi ke aao na jao