ghar se main jab bhi akela nikla

ghar se maiñ jab bhī akelā niklā

mujh se pahle mirā saaya niklā

phaaḌ kar dāman-e-sahrā niklā

mere andar se jo dariyā niklā

ik tabassum jo milā thā mujh ko

vo bhī ik zaḳhm-e-tamannā niklā

jis pe kal sañg-e-malāmat barse

aaj vo daar pe iisā niklā

aa.ina dekhā jo uryāñ ho kar

jism hī jism kā pardā niklā

jis ne ye bhiiḌ lagā rakkhī thī

ḳhud vo us bhiiḌ meñ tanhā niklā

chehra ījād hai ā.īne kī

aa.ina niklā to chehra niklā

aaj ik ḳhat ko jo kholā 'qaisar'

us meñ sūraj kā sarāpā niklā

ghar se main jab bhi akela nikla

mujh se pahle mera saya nikla

phaD kar daman-e-sahra nikla

mere andar se jo dariya nikla

ek tabassum jo mila tha mujh ko

wo bhi ek zaKHm-e-tamanna nikla

jis pe kal sang-e-malamat barse

aaj wo dar pe isa nikla

aaina dekha jo uryan ho kar

jism hi jism ka parda nikla

jis ne ye bhiD laga rakkhi thi

KHud wo us bhiD mein tanha nikla

chehra ijad hai aaine ki

aaina nikla to chehra nikla

aaj ek KHat ko jo khola 'qaisar'

us mein suraj ka sarapa nikla