ab wo ghar ek virana tha bas virana zinda tha
ab vo ghar ik vīrāna thā bas vīrāna zinda thā
sab āñkheñ dam toḌ chukī thiiñ aur maiñ tanhā zinda thā
saarī galī sunsān paḌī thī bād-e-fanā ke pahre meñ
hijr ke dālān aur āñgan meñ bas ik saaya zinda thā
vo jo kabūtar us mūkhe meñ rahte the kis des uḌe
ek kā naam navāzinda thā aur ik kā bāzinda thā
vo dopahr apnī ruḳhsat kī aisā-vaisā dhokā thī
apne andar apnī laash uThā.e maiñ jhūTā zinda thā
thiiñ vo ghar rāteñ bhī kahānī va.ade aur phir din ginnā
aanā thā jaane vaale ko jaane vaalā zinda thā
dastak dene vaale bhī the dastak sunñe vaale bhī
thā ābād mohalla saarā har darvāza zinda thā
piile pattoñ ko sah-pahr kī vahshat pursā detī thī
āñgan meñ ik auñdhe ghaḌe par bas ik kavvā zinda thā
ab wo ghar ek virana tha bas virana zinda tha
sab aankhen dam toD chuki thin aur main tanha zinda tha
sari gali sunsan paDi thi baad-e-fana ke pahre mein
hijr ke dalan aur aangan mein bas ek saya zinda tha
wo jo kabutar us mukhe mein rahte the kis des uDe
ek ka nam nawazinda tha aur ek ka bazinda tha
wo dopahr apni ruKHsat ki aisa-waisa dhoka thi
apne andar apni lash uThae main jhuTa zinda tha
thin wo ghar raaten bhi kahani wade aur phir din ginna
aana tha jaane wale ko jaane wala zinda tha
dastak dene wale bhi the dastak sunne wale bhi
tha aabaad mohalla sara har darwaza zinda tha
pile patton ko sah-pahr ki wahshat pursa deti thi
aangan mein ek aundhe ghaDe par bas ek kawwa zinda tha
- Book : shaayed (Pg. 178)
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
