ghir gaya hun be-tarah main KHwahishon ke darmiyan

Mahmood Shaam

ghir gaya hun be-tarah main KHwahishon ke darmiyan

Mahmood Shaam

MORE BY Mahmood Shaam

    ghir gayā huuñ be-tarah maiñ ḳhvāhishoñ ke darmiyāñ

    jism ke reze uḌātī āñdhiyoñ ke darmiyāñ

    kitne chehre kitnī shakleñ phir bhī tanhā.ī vahī

    kaun le aayā mujhe in ā.īnoñ ke darmiyāñ

    ham kahāñ yaaro kahāñ vo mauja-e-bād-e-nasīm

    vaqt pahnā.iyāñ haa.il diloñ ke darmiyāñ

    dil pe guzrī jo vo guzrī shahr kyuuñ vīrāñ hue

    ek dahshat hai phailī rāstoñ ke darmiyāñ

    mudda.ā pinhāñ pas-e-alfāz hai jo paḌh sako

    kuchh nahīñ pāoge tum in surḳhiyoñ ke darmiyāñ

    jaise ḳhushbū shahr meñ sahrā meñ jaise chāñdnī

    yuuñ bikhar jaatā huuñ meñ tanhā.iyoñ ke darmiyāñ

    jis ḳhātir sher likhte ho kabhī paḌhtī bhī hai

    kab talak uljhe rahoge qāfiyoñ ke darmiyāñ

    'shām'-jī bikhre kabhī is dil ke āñgan meñ mahak

    zindagī guzregī kab tak āhaToñ ke darmiyāñ

    ghir gaya hun be-tarah main KHwahishon ke darmiyan

    jism ke reze uDati aandhiyon ke darmiyan

    kitne chehre kitni shaklen phir bhi tanhai wahi

    kaun le aaya mujhe in aainon ke darmiyan

    hum kahan yaro kahan wo mauja-e-baad-e-nasim

    waqt ki pahnaiyan hail dilon ke darmiyan

    dil pe guzri jo wo guzri shahr kyun viran hue

    ek dahshat si hai phaili raston ke darmiyan

    muddaa pinhan pas-e-alfaz hai jo paDh sako

    kuchh nahin paoge tum in surKHiyon ke darmiyan

    jaise KHushbu shahr mein sahra mein jaise chandni

    yun bikhar jata hun mein tanhaiyon ke darmiyan

    jis ki KHatir sher likhte ho kabhi paDhti bhi hai

    kab talak uljhe rahoge qafiyon ke darmiyan

    'sham'-ji bikhre kabhi is dil ke aangan mein mahak

    zindagi guzregi kab tak aahaTon ke darmiyan

    Source:

    • Book: chera chera mery kahani (Pg. 82)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY