git ke baad bhi gae jaun

giit ke ba.ad bhī gaa.e jā.ūñ

apnī āvāz sunā.e jā.ūñ

koī aisā ho ki dekhe jaa.e

maiñ jahāñ tak nazar aa.e jā.ūñ

is havas meñ ki añdherā na rahe

ghar meñ jo kuchh hai jalā.e jā.ūñ

phailtī jaa.e ḳhamoshī mujh meñ

aur maiñ shor machā.e jā.ūñ

apnī āñkhoñ ko shab o roz 'faroġh'

ḳhvāb hī ḳhvāb dikhā.e jā.ūñ

git ke baad bhi gae jaun

apni aawaz sunae jaun

koi aisa ho ki dekhe jae

main jahan tak nazar aae jaun

is hawas mein ki andhera na rahe

ghar mein jo kuchh hai jalae jaun

phailti jae KHamoshi mujh mein

aur main shor machae jaun

apni aankhon ko shab o roz 'farogh'

KHwab hi KHwab dikhae jaun