gila honTon pe lae ja raha hun

gila hoñToñ pe laa.e jā rahā huuñ

maiñ terā ġham manā.e jā rahā huuñ

vo mujh ko bhuul jaa.e jā rahī hai

maiñ is ko yaad aa.e jā rahā huuñ

badan thā aa gayā hai lauT ke ghar

maiñ tere paas paa.e jā rahā huuñ

sitam ye hai ki ab tū bhī nahīñ hai

garebāñ muñh chhupā.e jā rahā huuñ

jise dekho vo ro.e jā rahā hai

maiñ tere ḳhat sunā.e jā rahā huuñ

gila honTon pe lae ja raha hun

main tera gham manae ja raha hun

wo mujh ko bhul jae ja rahi hai

main is ko yaad aae ja raha hun

badan tha aa gaya hai lauT ke ghar

main tere pas pae ja raha hun

sitam ye hai ki ab tu bhi nahin hai

gareban munh chhupae ja raha hun

jise dekho wo roe ja raha hai

main tere KHat sunae ja raha hun