gir jae jo diwar to matam nahin karte

gir jaa.e jo dīvār to mātam nahīñ karte

karte haiñ bahut log magar ham nahīñ karte

hai apnī tabī.at meñ jo ḳhāmī to yahī hai

ham ishq to karte haiñ magar kam nahīñ karte

nafrat se to behtar hai ki raste hī judā hoñ

bekār guzargāhoñ ko bāham nahīñ karte

har saañs meñ dozaḳh kī tapish sī hai magar ham

sūraj kī tarah aag ko maddham nahīñ karte

kyā ilm ki rote hoñ to mar jaate hoñ 'faisal'

vo log jo āñkhoñ ko kabhī nam nahīñ karte

gir jae jo diwar to matam nahin karte

karte hain bahut log magar hum nahin karte

hai apni tabiat mein jo KHami to yahi hai

hum ishq to karte hain magar kam nahin karte

nafrat se to behtar hai ki raste hi juda hon

bekar guzargahon ko baham nahin karte

har sans mein dozaKH ki tapish si hai magar hum

suraj ki tarah aag ko maddham nahin karte

kya ilm ki rote hon to mar jate hon 'faisal'

wo log jo aankhon ko kabhi nam nahin karte